Preto

Este traballo, xurde da pregunta “quen somos?”, contén unha serie de imaxes de personaxes do rural galego retratados durante o Entroido. Son retratos ao anoitecer, neses espazos baleiros onde transcorre a vida cotiá dos seus protagonistas. O autor indaga en Preto na ambigüidade do ser humano emprendendo unha busca inquietante entre a ficción e o real. A cuestión, a xuízo do fotógrafo, é saber se o disfraz permite dar unha visión máis real do que somos, se descubre máis de nós do que pretendemos agochar. O autor explora as complexidades da fotografía contemporánea abordando cuestións sobre a identidade. Ao mesmo tempo, dialoga co medio rural para descubrir a beleza na singularidade das persoas que se amosan dun xeito espontáneo ante a cámara, integradas na paisaxe que habitan. Somos ese espello onde se reflicte outro espello, falso, ou verdadeiro? Todo vale...

Si che interesa algunha copia desta colección, podes enviarnos un mail a tono@tonoarias.com realizamos copias en papel museo en diferentes tamaños coa posibilidade de enmarcado.

Compra o libro para apoiar o proxecto.